អចលនទ្រព្យ | March 16, 2021 | 3,529

វីឡាប្រណិតដំបូងគេនៅកម្ពុជា ដែលមានផ្លូវក្រោមដី 17.5 ម៉ែត្រ

វីឡាទោល វីឡាភ្លោះក្នុងគម្រោង Morgan Park Villa ជាគម្រោងទីមួយនៅ កម្ពុជា ដែលរចនាឡើងដើម្បីការរស់នៅប្រកបដោយសុវត្ថិភាព ផាសុកភាព និងភាពស្ងប់ស្ងាត់។

មិនអនុញ្ញាតឲ្យមានម៉ូតូឡានបើកបរក្នុងគម្រោងឡើយ ដើម្បីសុវត្ថិភាព សុខភាពបញ្ជៀសផ្សែងពុល និងការបំពុលដោយសំឡេងដល់អតិថិជន! ផ្លូវធ្វើដំណើរតាមផ្លូវក្រោមដីធំទូលាយរហូតដល់ ១៧ម៉ែត្រកន្លះ។

អភិវឌ្ឍន៍លើផ្ទៃដី ៦០ហិកតា ដំណាក់កាលទី១ សាងសង់លើផ្ទៃដី៦ហិកតា តាមបណ្ដោយផ្លូវជាតិ 6A ចន្លោះស្ពានទី៩ និងទី១០ មានវីឡាចំនួន ៣១៧ គឺសង់ត្រឹម 55% នៃផ្ទៃដី 45% សម្រាប់ដាំដើមឈើ និងធ្វើជាសួនបៃតង។

គ្រប់វីឡាសុទ្ធតែមានបន្ទប់ក្រោមដីដែលអាចចតឡានបាន ២ ឬ ៤ គ្រឿងតាមការចង់បានរបស់ម្ចាស់ផ្ទះ។

Morgan Park Villa ត្រូវបានវិនិយោគ និងអភិវឌ្ឍដោយក្រុមហ៊ុន Morgan Group ដែលមានអគ្គនាយកជាជនជាតិចិនសៀងហៃគឺលោក ឌីង ចុងជុន។

មានវត្តមាននៅកម្ពុជានាឆ្នាំ ២០០៨ Morgan ជាក្រុមហ៊ុនទទួលការសាងសង់អាគារលំដាប់អន្តរជាតិដូចជាអាគារ កាណាឌីយ៉ា រតនផ្លាហ្សា ផ្សារទំនើបសុវណ្ណា និងអាគារអូឡាំព្យាស៊ីធីជាដើម។

ទើបតែនៅឆ្នាំ២០១៦ Morgan បានឈានជើងចូលក្នុងវិស័យអភិវឌ្ឍអចលនទ្រព្យដោយចាប់ផ្ដើមគំរោងទីមួយរបស់ខ្លួន Morgan Tower នៅទីក្រុងកោះពេជ្រ អាគារ Happy Land គំរោង Morgan Peninsula Garden នៅកំពង់សោមដែលលក់អស់ និងដំណើរការ១០០%ហើយ និងគំរោង Morgan Enmaison នៅជ្រោយចង្វារ។