អភិវឌ្ឍចំណេះដឹង | March 04, 2021 | 1,238

ការ​បញ្ចុះ​តម្លៃ​ដើម្បី​បង្កើន​ការ​លក់​ល្អ​ឬ​មិន​ល្អ?

សម្រាប់​អ្នក​លក់​ ​នៅ​ពេល​ដែល​អតិថិជន​សុំ​បញ្ចុះ​តម្លៃ​​ពេល​ពួកគេ​ទិញ​ផលិតផល​ ​ឬ​ប្រើ​សេវាកម្ម​របស់​អ្នក​ដើម្បី​ដោះដូរ​នឹង​សន្យា​នា​ពេល​កន្លង។ វា​​ជា​ការ​លំបាក​ក្នុង​ការ​បដិសេធ​បើ​អ្នក​ធ្លាប់​បញ្ចុះ​តម្លៃ​​ម្ដង​ជា​ពីរ​ដង។ ​អីចឹង! ​តើ​ការ​បញ្ចុះ​តម្លៃ​​ជា​ថ្នូរ​នឹង​ការ​បង្កើត​ការ​លក់​​ជា​វិធី​សាស្ត្រ​ត្រឹមត្រូវ​ឬ​យ៉ាង​ណា?

 


​​
បើ​អ្នក​មាន​តំណែង​ជា​ប្រធាន​ផ្នែក​លក់​ អ្នក​ប្រហែល​ជា​អាច​នឹង​លឺ​បុគ្គលិក​ក្រោម​អ្នក​លើកឡើង​ជា​រឿយៗ​ថា ​ពួកគេ​លក់​មិន​សូវ​ដាច់​សោះ ​ហើយ​ដើម្បី​លក់​ដាច់​បាន​ច្រើន ​ឬ​ចង់​បាន​អតិថិជន​ថ្មី​ត្រូវ​បញ្ចុះ​តម្លៃ​​​ឲ្យ​ពួកគេ​ជាដើម។ ​ការ​បញ្ចុះ​តម្លៃ​ជា​ថ្នូរ​នឹង​ការ​​លក់​ច្រើន​ ឬ​ដើម្បី​ទាញ​អតិថិជន​ថ្មី ​​ឬ​ដើម្បី​រក្សា​អតិថិជន​ចាស់​ស្មើ​នឹង​ការ​កាត់​បន្ថយ​ប្រាក់​ចំណេញ ​​កាន់​តែ​តិច​ទៅ​ៗ​រហូត​ដល់​ពេល​មួយ​អាច​បាត់បង់​តុល្យភាព ​និង​ខាត​ឡុងចុង​បាន។

 

អញ្ចឹង​ តើ​គួរ​ធ្វើ​ម៉េច​ដើម្បី​​បាន​អតិថិជន​ថ្មី? ​​ដំបូង​ត្រូវ​កំណត់​តម្រូវការ​ជាក់​ស្ដែង​របស់​អតិថិជន ​​​​និង​ប្រភេទ​អតិថិជន​ដែល​ត្រូវ​ផលិតផល​ និង​សេវាកម្ម​របស់​អ្នក។ ​​ក្រោយ​រក​ឃើញ​ហើយ​ ​ព្យាយាម​ផ្ដល់​ផលិតផល និង​សេវាកម្ម​របស់​អ្នក​ជា​ដំណោះស្រាយ​សម្រាប់​ពួកគេ​ ​ដោយ​លក់​ចេញ​នូវ​តម្លៃ​ពេញ។ ​អ្នក​អាច​បញ្ចុះ​តម្លៃ​បាន​ តែ​សម្រាប់​រយៈពេល​ជាក់លាក់​ខ្លី​មួយ ​ឬ​នៅ​ពេល​​ Promotion ​ដំបូង។ ​​

 

បើ​បញ្ចុះតម្លៃ​ម្ដង​ជា​ពីរ​ដង ​នោះ​អតិថិជន​អ្នក​នឹង​គិត​ថា ​តម្លៃ​ដែល​បាន​បញ្ចុះ​នោះ​ក្លាយ​ជា​តម្លៃ​​ដើម ​ហើយ​ពេល​អ្នក​លក់​ក្នុង​តម្លៃ​ដើម​ពួកគេ​គិត​ថា ​ជា​​ការ​ដំឡើង​ថ្លៃ ​ព្រម​ទាំង​ងាក​ចេញ​ពី​អ្នក។ ​ដូច្នេះ​ ដើម្បី​ឲ្យ​អតិថិជន​មក​រក​អ្នក​វា​​អាស្រ័យ​លើ​ជំនាញ​អ្នក​ក្នុង​ការបញ្ចុះបញ្ចូល​ ​បង្ហាញ​ពី​ភាព​ខ្លាំង​របស់​ផលិតផល ​ឬ​សេវាកម្ម​របស់​អ្នក​ដែល​អតិថិជន​មិន​អាច​ដើរ​ចេញ​បាន​ដល់​កម្រិត​ណា៕

 

 

​ប្រែ​សម្រួល៖ ​ដារ៉ា
ប្រភព៖ ​Businessknowhow

មតិយោបល់